မွေးရပ်ဌာနေ ကျောက်ရိုးမြေ
8:28 AM |
No Comments |
Tuesday, November 15, 2011
ပစ္စုပ္ပန်မှသည်
8:28 AM |
No Comments |
မပြည့်စုံချေ
လူတွေခိုင်ဖို့ လိုသလို ။
* အမျိုးအရေး
ဟစ်ကြော်ကြွေးပြီး
နောက်ဖေးထွက်ပေါက်မရှာသင့် ...။
*
စုစည်းညီညာ
စုပေါင်းကာဖြင့်
သေချာခိုင်မြဲ
ဒို့ လက်တွဲလျှက်
ရှေ့ ဆက်ခရီးသွားကြစို့ ...။။
* စစ်တွေ - ကျော်ခိုင်
(ဝတီကြေးမုံဘလော့မှ)
အမောင်
8:27 AM |
No Comments |
မိုးကိုကြည့်လို့ မြင့်သည့်အာကာ၊ ထက်ဝဠာကို
စိတ်မှာကြောက်ရွံ့ နီရေလား...။
ငှက်ချေအရွယ်၊ ငယ်ပင်ငယ်လေ့
လေစွယ်ပြင်းထန် ထက်မိုးယံမှာ
အားမာန်ခဲပနာ ပျံရေဗျာယ်...။
မြီကိုကြည့်လို့ 
ကျယ်သည့်မြေလွှာ၊ မြီကမ္ဘာကို
စိတ်မှာတုန်လှုပ် နီရေလား...။
ကြွက်ချေအရွယ်၊ ငယ်ပင်ငယ်လေ့
ကြီးကျယ်ပံသု၊ မြီသားထုကို
ဥမင်ဖေါက်ပနာ ပြီးရေဗျာယ်...။
ရီပြင်ကြည့်လို့ 
ထန်သည့်လှိုင်းဖြာ ပင်လယ်ပြာကို
စိတ်မှာချောက်ချား နီရေလား...။
ငါးချေအရွယ်၊ ငယ်ပင်ငယ်လေ့
ပြောကျယ်မာန်ဆင်၊ သမုဒ်ပြင်ကို
စွမ်းအင်ပြပနာ ကူးရေဗျာယ်...။
အို... အမောင်
ယောင်ဝီ၀ိုးဝါး၊ တောင်လား မြောက်လား
စိတ်ထားအားငယ်၊ နွမ်းနယ်မဟိ
သတ္တိကိုသွီး၊ မျိုးမာန်မွီးဗျာယ်
အီးငြီမ်းသာယာ ကိုယ့်ပြည်ရွာမှာ
တာဝန်ကိုယ်ငှ ကျီကတ်စီ
မြီကမ္ဘာချစ်လို့  တီဖြစ်လီ...။။
*
ညိုဘန်း ( လေးဝတီ )
(ဝတီကြေးမုံဘလော့မှ)
အမွေစဉ်လာထိမ်းကြစို့
8:26 AM |
No Comments |
တည်ပုံနေကား၊ ရေမြေခြားကာ
ကျွန်းများပါဝင်၊ ပင်လယ်ပြင်နှင့်
တောင်စဉ်ရိုးမ၊ သဘာဝဖြင့်
အလှဆင်လျက်၊ ရှေးမင်းဆက်တို့ 
စုတ်ချက်ပန်းချီ၊ အတိတ်ဆီက
တည်ကာပန္နက်ချခဲ့သည်...။
*
ဘိုးဘေးဘီတင်၊ ရှေးယခင်က
“ဆွေ” စဉ်သွေးအား၊ “မျိုး”ဆက်ပွားရင်း
သားစဉ်မြေးဆက်၊ သမိုင်းရက်တွေ
ပြောင်းလျက်နေလဲ(လည်း )၊ အမျိုးစွဲသည့်
အမြဲရခိုင်သွေးကနီ...။
*
ဓည၀တီ...၊ ဝေသာလီ...ဟု
စသည့်ခေတ်မွေ၊ ပေးခဲ့လေရာ
စာပေဂီတ၊ သံစဉ်လှခဲ့
ဒါနသဒ္ဓါ၊ ကြည်ဖြူစွာနှင့်
ဘာသာတရား၊ ထွန်းလင်းပွားလျက်
စည်ကားပြည်ရွာ၊ တိုးတက်ကာဖြင့်
ပြည်မှာရခိုင်ဝင်ခဲ့ပြီ...။
ရှည်ကြာခုတိုင်တင့်ခဲ့ပြီ...။
*
ရခိုင်တို့ ပြည်၊ တို့ ဌာနီမှာ
တို့ သည်ယခု၊ သွေးပေါင်းစုလို့ 
အားပြုမျိုးဆက်၊ ကွဲမထွက်အောင်
လက်ဆင့်ကမ်းရာ၊ တို့ ဝန်တာဟု
ဘာသာအနု၊ ယဉ်ကျေးမှုတွက်
ပြုစုစာပေ၊ တို့ ဖြန့် ဝေရင်း
အမွေစဉ်လာ၊ ထိန်းကြစို့ ...။။
*
အောင်ပြည့်လင်း ( ဒွါရာမြေ )
(ဝတီကြေးမုံဘလော့မှ)
ဂုဏ်
8:25 AM |
No Comments |
ဥသြရီသောက်ဝင်မွှီနှောက်လည်း
မပျောက်ကျန်ခ၊ မျိုးဗီဇနန့် ..။
*
သဇင်ပန်းခိုင်
တမြိုင်မြိုင်လေ၊ တည်ခိုင်မြဲမြံ
မဖေါက်ပြန်ပဲ၊ နက်ဖန်များစွာ
ကမ္ဘာတည်သရွေ့ ၊ သို့ တိုင်ထိလေ..။
*
အမျိုး၏ဂုဏ်
သီလဂုဏ်ရို့ ၊ ခိုလှုံတည်မြဲ
ခိုင်မတ်ဆဲလေ..။
*
" မြီချစ် "
သွီးသစ်သမိုင်း၊ ဂုဏ်မရိုင်းဖို့ 
ဆနှိုင်းနိုးကြွ၊ မျိုးဗီဇနန့် 
ဘ၀တည်ရပ်၊ မျိုးမြင့်မြတ်မှ
နာဂါတ်ကမ္ဘာ၊ ထည်ဝင့်ဝါလိမ့်
' ငါနန့် ငါသာ ငါများစွာ '
ညီညာတူပြိုင်၊ တည်မတ်ခိုင်မှ
သာယာစွလေ.. သာစွလေ
ဖရခိုင်ပြည် မြိုင်စိမ့်လေ...။။
*
မြတ်စော ( ရခိုင်ပြည် )
(ဝတီကြေးမုံဘလော့မှ)
ထိန်းသိမ်းကတ်ပါ
8:23 AM |
No Comments |
ရက္ခမဏ္ဍိုင်၊ ပြည်ရခိုင်မာဝမ်းစာစပါး၊ သားငါး ပုဇွန်
သယံဇာတ၊ ပြည်စုံကြ၏..။
*
မြတ်ဗုဒ္ဓမွီ၊ ဓါတ်စေတီရို့ 
ကိန်းဝပ်စံပျော်၊ တောင်များပေါ်မှာ
ဖူးမျှော်မဆုံး၊ ထုံးဖြူဖွေး၏..။
*
သို့ သော်တမူ၊ တချို့ လူများ
စိတ်မှားဝင်ရောက်၊ စေတီဖေါက်ချိုး
ပုထိုးကိုမွှီ၊ ရွှီငွီ ရတနာ
ရှာဖွေလာ၏..။
*
အော်... တထပ်စာကိုမြင်၊ ဆင်ခြင်နည်း၍
ရှီးကလက်ရာ၊ သာသနာကို
ညှာတာကင်းဝီး၊ ဖျက်စီးလီက
ကာလမကြာ၊ ရိုးရာကွယ်ပျောက်
အမျိုးပျောက်လို့ ၊ ဇာရောက်လားဖို့ 
စိုင်းစားကြည့်လျင်၊ ယင်းအမြင်ကို
အမှန်ပြင်ဖို့ ... သင့်နီဗျာယ်...။။
*
ခိုင်ချစ်သန်း ( ဖရုံကာကျွန်း )
(ဝတီကြေးမုံဘလော့မှ)
(ဝတီကြေးမုံဘလော့မှ)