အေကောင်ချေ ငါ့ကို အထူးထူးပြောမနိန်ကေ့
5:12 AM |
No Comments |
ကျောက်ဖြူက ဇော်ဇော်တစ်ယောက် ထိုင်းနိုင်ငံတောင်းပိုင်က စက်ရုံတစ်ခုတွင် အလုပ်လုပ်နိန်ရေ။ တစ်ရက်နိန့်ခါ ဇော်ဇော်တစ်ယောက် ပချီကာရီဝယ်စရာတိဟိမ့်လို့ ဟတ်ယိုင် (Hat Yai) မြို့ထဲက ဈီးတစ်ခုသို့လားပြီးကေ ဈီးဝယ်နိန်ခီရေ။ ယင်းဈီးဝယ်နိန်ရေအချိန်မှာ သူ့ဝမ်းကွဲအစ်မတစ်ယောက်က ဖုန်းလှမ်းဆက်တေ။
“မောင်ချေ... နိန်ကောင်းရေမဟောက်လား”
“နိန်ကောင်းပါရေဝေါ မမ”
“ အဂု အလုပ်မှာလား။ အစော်မှာရောင်”
“ဖာချ ဈီးကိုရောက်နိန်ပါရေမမ”
“အေကောင်ချေ ငါ့ကိုအထူးထူးပြောမနိန်ကေ့ တချက်”
“ယာ! ဟောက်တေလှက် မမ၊ ငါ ဖာချဈီးကိုရောက်နိန်ပါရေဒေ”
“အေကောင်ချေ ငါ့ကိုအထူးထူး”
ငါ့အစ်မ အစော်ဖြစ်လို့ “အေကောင်ချေ ငါ့ကိုအထူးထူးပြောမနိန်ကေ့ တချက်” လို့ပြောရောင်ဂု ဆိုပြီးကေ ဇော်ဇော်တစ်ယောက် စဉ်းစားကြည့်မိရေ။
နောက်ခါမှ သူအဖြေကိုသိလိုက်တေ။ “ဖာချ” ဆိုစွာက ကိုယ့်ရို့ဒေသစကားမှာဆိုကေ ကောင်းရိုင်းရေစကားတစ်ခု။ ယေနဖြစ်လို့ ငါ့အစ်မ တမျိုးထင်လားစွာမလားဂု ဆိုပြီး
သဘောပေါက်လားလီရေ။
အမှန်က သူပြောရေ “ဖာချဈီး” ဆိုစွာ ထိုင်းနိုင်ငံတောင်ပိုင်း၊ ဟတ်ယိုင်ဒေသတစ်ဝန်းမှာ အလုပ်လုပ်နိန်ကတ်တေ မြန်မာပြည်သားတိ ခေါ်ကတ်တေ ဈီးတစ်ဈီးတစ်ခု။
“ဖာချဈီး” ဆိုကေ ဟတ်ယိုင်တစ်ခွင်က မြန်မာနိုင်ငံအလုပ်သမားတိ မသိလူမဟိရေ ဈီးတစ်ဈီး။ ထိုင်းနိုင်ငံက ဈီးသယ်မတိတောင်မှ မြန်မာစကား မပီကလာန ဈီးရောင်းနိန်ကတ်တေ နိန်ရာတစ်ခု။ မြန်မာနိုင်ငံသား ဈီးတိလည်း အများကြီးဟိရေ နိန်ရာတစ်ခုမဟောက်ပါလား။ ယင္းစ်ီးနာမည္ကား “ဖာခ်စ်ီး”။
ဖြစ်နိုင်စော်က “Bazaar - ဘဇာ (ဈီး)” က “ဖဇာ” ယင်းနိန်လို့ “ဖာချ” ဆိုပြီး ဘာသာပြန်လာကတ်တေလို့ထင်မိပါရေ။
ဥပမာ။ ။ Facebook ကို “ဖေ့ဘုတ်”၊ “ဖီးဘုတ်”၊ Online ကို “အောက်လိုင်း”၊ “အောင်လိုင်း”၊ စသည်ဖြင့်။
(ဝန်ခံချက်။ ။ကျောက်ဖြူက “ကိုအီးယောင်” ကြုံဖူးရေ အတွိ့အကြုံကို ပြန်လို့မျှဝီပါရေ။)
___ အကောင်ချေ (ကျောက်ရိုး)
၁၉-၁၀-၂၀၁၄