အလိုအပ်ဆုံးအရာ

အဖေ မရှိတဲ့လောကဟာ
နေမင်းကြီးမရှိတဲ့ ကမ္ဘာကြီးလို...။

အဖေ မရှိတဲ့ အိမ်ဟာ
တံတိုင်းအကာမရှိတဲ့ အိမ်တစ်အိမ်လို...။

အဖေ မရှိတဲ့ဘဝဟာ
စစ်သူကြီးမရှိတဲ့ စစ်မြေပြင်ကြီးတစ်ခုလို...။

အမေ မရှိတဲ့ လောကဟာ
လမင်းကြီးမရှိတဲ့ ကမ္ဘာကြီးလို...။

အမေ မရှိတဲ့ အိမ်ဟာ
မန်နေဂျာမရှိတဲ့ ရုံးခန်းတစ်ခုလို...။

အမေ မရှိတဲ့ဘဝဟာ
ရင်ခွင်မဲ့ ငှက်ငယ်တစ်ကောင်လို...။

အဖေ အမေ မရှိတဲ့ဘဝဟာ
အမှောင်တွေဖုံးနေတဲ့ လောကကြီးတစ်ခုလို
ဘာဆို ဘာမှ အဓိပ္ပါယ်မရှိတော့ဘူး...။

အဖေ အမေ ဆိုတာ
လောကရဲ့အလှ
လောကရဲ့ အထွဋ်အထိပ်
ငါတို့ရဲ့ဘဝ ငါတို့ရဲ့အလှ
ငါတို့ဘဝရဲ့ သခင်
ငါတို့ဘဝရဲ့ ပဲ့ကိုင်ရှင်
ငါတို့ဘဝရဲ့ မီးရှူးတန်ဆောင်
ငါတို့ဘဝရဲ့ အလင်းရောင်
ငါတို့ဘဝရဲ့ ဘုရားသခင်...။

____အကောင်ချေ (ကျောက်ရိုး)
၂၄ - ၀၉ - ၂၀၁၅
၂၀:၀၃ ပီအမ်

________00______
 အားလုံးကိုကျေးဇူးတင်ပါတယ်။

____အကောင်ချေ (ကျောက်ရိုး)

 http://kyaukroevillage.blogspot.com/

Read More

ငါဟာ...

ငါဟာ 

တစ်ခါတလေဆို
ကြိုးပြတ်နေတဲ့ ဂီတာတစ်လက်လို...

တစ်ခါတလေဆို
သံစဉ်မဲ့ ကဗျာတစ်ပုဒ်လို...

တစ်ခါတလေဆို
ခေါင်းစဉ်မဲ့ အင်ဆေးတစ်ပုဒ်လို...

တစ်ခါတလေဆို
တောင်ပံကျိုးငှက်တစ်ကောင်လို...

တစ်ခါတလေဆို
ဆွံ့အ,နေတဲ့ လူတစ်ယောက်လို...

တစ်ခါတလေဆို
ကန္တာရက ရေဆာနေတဲ့ လူတစ်ယောက်လို...

တစ်ခါလေဆို
စက်ရုပ်တစ်ရုပ်လို...

တစ်ခါတလေဆို
ပြတိုက်ထဲက လူသားတစ်ယောက်လို...

တစ်ခါတလေဆို
သဲကန္တာရထဲက သဲပွင့်လေးတစ်ပွင့်လို...

တစ်ခါတလေဆို
စမ်းရေအိုင်ထဲက ရေတစ်စက်လို...

တစ်ခါတလေဆို
ကြွေလွင့်နေတဲ့ ရွက်ဝါလေးတစ်ရွက်လို...

တစ်ခါတလေဆို
ဝေဟင်မှာ လွင့်နေတဲ့စက္ကူစွန်ကလေးလို...

တစ်ခါတလေဆို...
တစ်ခါတလေဆို...
တစ်ခါတလေဆို....

____အကောင်ချေ (ကျောက်ရိုး)
၂၄-၀၇-၂၀၁၅
၁၁:၅၉ အေအမ်

Read More

ပြုခဲ့မိသမျှ

ပြုခဲ့မိသမျှ ----------- မလွမ်းရဲပေမယ့် နွမ်းလို့ကြွေခဲ့ရတဲ့ မျက်ရည်တစ်စက်...။ မလှမ်းရဲပေမယ့် နမ်းရှိုက်ချင်နေတဲ့ ပန်းတစ်ပွင့်...။ မပြိုရဲပေမယ့် စွေခဲ့ရတဲ့ မိုးရေတစ်ဆက်...။ လှမ်းမကိုင်မိမှန်း သိပေမယ့် ကမ်းခဲ့မိတဲ့ အကြင်နာလက်တစ်စုံ...။ ဒါတွေ အကုန်လုံးဟာ မင်းထွက်ခွါသွားပြီးတဲ့နောက် ...................................။ ၂၇-၀၃-၂၀၁၂

Read More

ငါတို့တွေ…

ငါတို့တွေ…
သူများနဲ့မတူအောင် အလုပ်ကြမ်းလုပ်ကြရတယ်။
ဒါပေမယ့်…
သူများတွေလို ခံစားခွင့်မရခဲ့ကြဘူး။

ငါတို့တွေ…
သူများတွေထက် ဖိနှိပ်ခြင်းကိုခံကြရတယ်။

ဒါပေမယ့်…
သူများတွေလို ဖွင့်ဟခွင့်မရခဲ့ကြဘူး…။
(သူများတွေလို မဖွင့်ဟရဲကြဘူး…။)

ငါတို့ဆီမှာ
ဂက်(စ်)တွေ အများကြီးထွက်တယ်။
ဒါပေမယ့်…
ငါတို့တွေမှာ လျှစ်စစ်မီး မသုံးကြရဘူး…။

ငါတို့ဆီမှာ
နိုင်ငံခြား ကုမ္ပဏီတွေ တည်ဆောက်လာကြတယ်။
ဒါပေမယ့်…
ငါတို့တွေဟာ အလုပ်လက်မဲ့တွေ ဖြစ်ကြရတယ်…။

ငါတို့ဆီမှာ
သား၊ငါး၊ပုဇွန်တွေ အရမ်းပေါများတယ်။
ဒါပေမယ့်…
ငါတို့တွေဟာ စားသုံးနိုင်စွမ်းမရှိကြဘူး…။

ငါတို့ဆီမှာ
ဆန်၊စပါးတွေ ပေါများတယ်….။
ဒါပေမယ့်…
ငါတို့တွေဟာ တစ်နပ်ထမင်းအတွက်ပဲ
ရုန်းကန်နေကြရတယ်…။

ငါတို့ဆီမှာ
“ဘင်္ဂလီ”ကနေ “ကမန်”ဖြစ်သွားတာတွေ အများကြီးရှိတယ်။
ဒါပေမယ့်…
ငါတို့တွေမှာ တားဆီးခွင့်မရှိကြဘူး…။
ငါတို့တွေ…..
ငါတို့တွေ…..
………………………………….
………………………………….
………………………………….
————-
အကောင်ချေ (ကျောက်ရိုး)
၂၄-၀၈-၂၀၁၂

Read More

ငါ ဘာမှမဟုတ်

ပေါက်ကွဲချင်ပေမယ့်
 သေနေတဲ့မီးတောင်တစ်ခုလို....။

ပိတ်ထားချင်ပေမယ့်
ဂျိတ်ကျိုးနေတဲ့ တံခါးတစ်ချပ်လို....။

ပျံသန်းချင်ပေမယ့်
 တောင်ပံကျိုးငှက်တစ်ကောင်လို....။

ဟစ်အော်လိုက်ချင်ပေမယ့်
ဆွံ့ အ,နေတဲ့လူတစ်ယောက်လို....။

ရွာချချင်ပေမယ့်
ပြိုလို့မရတဲ့ မိုးတိမ်တွေလို....။

......................
အကောင်ချေ (ကျောက်ရိုး)
၀၃-၀၇-၂၀၁၂
10:57 pm

Read More

သင်္ကြန်ဆူး

ဥသြငှက်တွေ တွန်ကျူး
ပိတောက်တွေလည်းဖူးတော့
ဂီမာန်ဦး နွေကာလ
လွမ်းရတဲ့ မွေးရပ်'ကျောက်ရိုး'မြေကို
ရင်ထဲမှာ လွမ်းငိုမိတယ်။

နှစ်သစ်သင်္ကြန်အဖိတ်နေ့
ညနေစောင့် ဆည်းဆာချိန်မှာ
ဘုရားရေချိုး(ရေသပ္ပါယ်) ဆိုတဲ့ အရသာ
ပြီးတော့....
သက်ကြီးရွယ်အို ကန်တော့တဲ့အစဉ်အလာတွေ
သင်္ကြန်ရေဆိုတဲ့ အာဟာရတွေ
အိမ်စဉ်လျှောက်လို့ ကခုန်မြူးရင်း
ဖက်ထုတ်မုန့်တောင်းစားခဲ့တဲ့ အထိအတွေ့တွေ
ဒါတွေ..ဒါတွေနဲ့ နှစ်ပေါင်းများစွာ
ကင်းကွာနေရတဲ့ ငါ့ဟာ
နလန်ထူစ လူနာတစ်ယောက်လို.....။
............
အကောင်ချေ (ကျောက်ရိုး)
၂၄-၀၃-၂၀၁၂

Read More

ခံစားမှု

Ø နွယ်တစ်ပင်လို ရင်ထဲတွယ်ငြိ
ဖြတ်ဖို့လည်းမလွယ် ဖြေဖို့လည်းခက်
ဂဟေဆက်ထားတာထက် ခိုင်မြဲတယ်။

Ø နီလာပတ္တမြား တန်ဖိုးရှိငြားလည်း
ဒို့ဘဝအတွက် မလိုအပ်တာအမှန်ပါ။
ဒါပေမယ့်…
ဒို့လိုချင်တာတစ်ခုက
မင်းကိုတွေ့ဖို့အချိန်တစ်ခုနှင့်
မင်းဆီမှမေတ္တာ တရားတစ်ခုတည်းပဲ။

Ø အောင်ဘာလေ သိန်းထီပေါက်ရင်တောင်မှ
မင်းနှင့်တွေ့နေရတဲ့အချိန်ခဏလေးလောက်
ဒို့…ပျော်ခဲ့မှာ မဟုတ်ပါဘူး။
ဒါဟာ…
တကယ်မှတ်ကန်တဲ့ ခံစားမှုတစ်ခုပါ။
…………………အကောင်ချေ (ကျောက်ရိုး)
(တွေ့ဆုံခဲ့တဲ့ Sunday ကိုထာဝရလွမ်းဆွေးလျှက်)

Read More

နန်းထိုက်တဲ့ပန်း

နန်းထိုက်တဲ့ပန်း
....................

မသေချာတဲ့ ခရီးလမ်းမှာ
ဇဝေဇဝါနှင့်တွေ့ခွင့်ရပြီး
ရိုးသားဖြူစင်စွာနှင့်ပဲ
ခင်မင်ခဲ့ရသူ...။

ကြီးကျယ်လှပ တောက်ပြောင်လှပြီး
လှည်းကိုင်းလေးလို ညွတ်နေတဲ့
မျက်ခုံးလေးနှင့် အလှချယ်ထားတဲ့
မျက်ဝန်းတစ်စုံနှင့်
ရိုးသားဖြူစင် ပွင့်လင်းဝေတဲ့
နှလုံးသားတစ်လွှာကို ပိုင်ဆိုင်ထားသူ...။

သင်းပျံ့နေတဲ့ ပန်းတစ်ပွင့်လို
အလှတရားတွေ ဝေဝေဆာပြီး
ပန်းတို့အလယ်မှာ ထည်ဝါစွာနှင့်
မြင်သူတကာ ငေးမောစေလောက်တဲ့သူ...။

သင်းကြိုင်းမွှေးပြီး ယဉ်ယဉ်လေးနှင့်
နန်းထိုက်တော်ဝင် ပန်းသဇင်လို
သူ့ရူပါက အလှပို...။

လှိုင်လှိုင်မွှေးကြူး နှင်းဆီဖူးလို
နီးမြန်းနေတဲ့ နှုတ်ခမ်းလွှာတစ်စုံ
လှပဖြူဖွေး ပုလဲဥလေးလို
ရှုမငြီးစေတဲ့ သွားကလေးတွေ
ဒါဟာ....
တကယ်လှပတဲ့ သဘာဝတရာတွေပဲဆိုတာ
ဘယ်သူမှ ငြင်းလို့မရဘူးလေ...။
.................

ကောင်ချေ (ကျောက်ရိုး)
၂၀-၀၅-၂၀၁၁

Read More