ဘုရား..ဘုရား..ဘုရား

ရာထောင်ချီ သက္ကရာဇ်
အဖြစ်အပျက်တဖုံဖုံ
အိပ်မက်ထဲက ပုံပြင်တပုဒ်ပိုင်
မှုန်ရီဝိုးတ၀ါးနာင့်
ဇာကိုကိုင်ဗျာယ်ပြောရဖို့ လဲ
အို.... ကျိန်စာ ... ကျိန်စာ
ဖြစ်ကေ ပျက်ကေ သင်္ခါရ, ရဟတ်မာ
ယူကျုံးမရနိုင်ဗျာယ်ဝါ ။
*
ထုထည်ကြီးမား မဟာ့မဟာဂန္တ၀င်
စံတင်စရာဖြစ်ခ ရာဇ၀င်မာ နှိုင်းမရ
တိုးတက်ခရေ ရက်ရာဇာ
အပြစ်ပြောစရာဗလာ နီမ၀င်အင်ပါယာ
ဇာမာ ဇာမာ
ကိုယ်ဖျောက်တတ်လို့ လား
ဂါထာမန္တရားကြောင့်လား
အယင်ခါရွှေထီးဆောင်း
ဟောင်းလောင်းပစ္စက္ခ ။
*
သျှင်နာဂီန္ဒမော်ကွန်း
ဥုံဖွလို့  အခါတရာမန်းမှုတ်
မကူနိုင်ဗျာယ် မကယ်နိုင်ဗျာယ်
ဧရာဝတီနာင့် ကစ္ဆပနဒီ
အဉ္စနနဒီ နာင့် ဧရာဝတီ
ရီစီးကြောင်း ပေါင်းဆုံခါဆုံ
အို...ရှုပ်ချက်ခတ် ၀ဋ်ငရဲလားမသိ
သဇင်ပန်းကိုမျိုးရော
အမှားမှားအယွင်းယွင်း
ဟင်းလင်းပြင်က ဒဏ္ဍာရီ
ဆည်းဆာချိန် ရောက်နီဗျာယ်လား
ဘုးရား...ဘုရား....ဘုရား.......။။။။
*
မောင်အုန်းသျှင် ( မင်းပြား )

(ဝတီကြေးမုံဘလော့မှ)